قصيدة مهداة لقيادة وشعب مملكة البحرين بمناسبة اليوم الوطني الأربعين:

منّي على البحرين ارضه واهاليه وبلاجها واصخيرها مع نَخَلْها ازكى التحايا سقتها يوم أهنّيه وأصوغها ببيوت شعرٍ لأهَلْها دارٍ على الامجاد شامت مبانيه فوق السحايب تحتضن من حَلَلْها صاح الندا لعيالها وحلّ داعيه هبوا لها عجلٍ نعالج خَلَلْها حق على اهل الدّار واللي ربا فيه وزوّارها والجار واللّي نَزَلْها لاصوّت البحرين له قال لبّيه واليا استمالت غرسةٍ به عَدَلْها منزالها بالقلب والروح نبنيه حبّ وكرامة وصورةٍ نَكتحِلْها برقابنا عهدٍ لها دوم نوفيه ما همّنا من بالشدايد خَذَلْها الدار نفديه ورضى الدار نشريه نشريه ما نرضى علينا زعلها وخوينا بالضيق لا ما نخليه من دونه الارواح ما نختزلها نقلط على العدوان والموت نسقيه والنّار تاكل يا ولد من شَعَلْها والخاين اللي حقد الازمان يخفيه يموت وآماله بعد ما وَصَلْها كلمه تجيبه وكلمتينٍ تودّيه خاتم بيدين أشرارها مع جَهَلْها يبدي لك المظهور والشّر يكميه واليا انفتح باب المفاتن دَحَلْها وان فرّعنَّ البيض بانت هقاويه وان ثوّرت ساحاتها صدّ عنها طالباك ياللّي بالي العظم تحييه ياللي صروف الخير بامره كِمَلْها المعتلي ما خاب عبدٍ يناجيه مجزل عطايا فزعته من سألْها تحفظ لنا البحرين والأمن تبقيه وتحوفها حتّى يحقّق أمَلْها وتعزّ بيرقها على من يعاديه في ظلّ حكّامٍ ريبٍ نِسَلْها تحفظ أخو نجلا وعلي الحً تهديه حَمَدْها ياللّي للامانه حَمَلْها شيخ الشيوخ اللي سنا العزّ كاسيه شيخٍ على الصّعبات نفسه جِبَلْها وتحفظ لها راعي الجمايل وتحميه خليفة اللي للمكارم كِفَلْها مجد الوطن نجمٍ يشعشع لياليه امحلحل عقودٍ أعيت اللّي فِتَلْها وصلوا على المختار ما حلّ طاريه وما لاح برق وهلّ مزنٍ شملها صالح يوسف الفرهود موفد للتدريس في مملكة البحرين